बारागढीमा रहेका ५ वटा अबैध मदिरा भट्टी नष्ट, मदिरा र कच्चा पदार्थ सहित सामग्रीहरु बरामद
चेरवन्त खबर डेस्क
बारा जिल्लाको बारागढी गाउँपालिकाको खोंपवा र दौरवामा अबैध रुपमा संचालन गरेको ५ वटा मदिरा भट्टी र ५ हजार लिटर मदिरा र ३५ हजार लिटर कच्चा पदार्थ नष्ट गरेको छ ।
जिल्ला प्रहरी कार्यालय बाराबाट खटिएको प्रहरी टोलीले शुक्रबार बारागढी गाउँपालिका वडा नम्बर ३ स्थित खोपवा गाउँको दुई र वडा नम्बर २ मा रहेको दौरवामा संचालनमा रहेको ३ वटा अबैध मदिरा भट्टि नष्ट गरेको हो ।
सो पालिकाको ति २ गाउँको भट्टिबाट मदिरा राख्ने सानो ड्रम ११ थान, ठुलो ड्रम २३ थान, मदिरा तयार पार्ने मेशिन २ वटा बरामद गरेको जिल्ला प्रहरी कार्यालय बारा कलैयाका प्रवक्ता प्रहरी उपरीक्षक दधिराम न्यौपानेले प्रेस नोटमार्फत जनाएका छन् ।