निजगढमा काँग्रेसको नगर सभापती पदमा महेशी कुवर र नवराज तिमल्सिनाको दाबी
0 
0 
बारा जिल्लाको निजगढमा नेपाली काँग्रेस पार्टिका हुने अधिवेशनमा नगर सभापतीको पदमा महेशी कुवर र नवराज तिमल्सिनाको दाबी रहेको छ ।
पार्टी संस्थापन पक्षले हालका सभापति महेशी कुवरलाई र अर्को पक्षले नवराज तिमल्सिनालाई सभापती पदमा उठाउने तयारी गरेको छ । नगर सभापतिका दाबेदार कुवरलाई काग्रेस नेता शम्भुबहादुर बुढाथोकीको समर्थन रहेको छ भने तिमल्सिनालाई निजगढ नगरपालिकाका मेयर सुरेश खनाल पक्षले समर्थन गरेका छन् ।
पार्टि भित्रका लामो विवादपछि वडा अधिवेशन सम्पन्न गरेको निजगढ काग्रेसले अब नगर अधिवेशन गराउने सम्पुर्ण तयारी गरिसकेको छ । सो अधिवेशनले १ जना नगर सभापती, २/२ जना उपसभापती, सचिव, सहसचिव र कोषाध्यक्षसहित ५१ सदस्यीय कार्य समति चयन गर्ने छ । वडा अधिवेशनबाट चुनिएका सभापती सहित क्षेत्रीय प्रतिनिधिहरुले नगरमा पदाधिकारीको चयन गर्ने पार्टी सभापती महेशी कुवरले जानकारी दिए ।
