पथलैया प्रहरीद्वारा भारी मात्रामा लागु औषध सहित एक जना पक्राउ
0 
0 
चेरवन्त खबर डेस्क
बाराको जितपुर सिमरा उपमहानगरपालिका वडा नम्बर १ स्थित पथलैया चोकमा रहेका प्रहरीद्वारा भारी मात्रामा लागु औषध सहित एक जनालाई पक्राउ गरिएको छ । प्रहरीले दुई हजार साठी थान लागु औषध बरामद गरेका हुन् ।
पर्सा जिल्लाको बिरगंजबाट काठमाण्डौं तर्फ जाँदै गरेको प्रदेश २(०३) ००१ ख ३६२३ नम्बरको रोयल सिंघम यात्रु बाहक बसलाई प्रहरी टोलीले चेक जाँच गर्दा पछाडीको डिक्की भित्र सहचालकले सेतो प्लाष्टिकको झोलामा पत्रिकाले बेरेर लुकाई छिपाई लगिरहेको अवस्थामा पक्राउ गरिएको हो ।
पक्राउ पर्नेमा सिन्धुली जिल्लाका कालापानी गाउँपालिका वडा नम्बर १ बस्ने सहचालक पुर्ण प्रसाद दहाल रहेको छ । दाहालले डाइजेपाम ई. ५८८ पिस, फेनारगन ई.५८८ पिस र नुर्फिन ई.५८७ पिस तथा नाइट्राभेट १० लेखिएको ट्याबलेट ३०० पिस लुकाएको लागु औषध फेला पारेका छन् । पथलैया प्रहरीले उनलाई पक्राउ गरी ईलाका प्रहरी कार्यालय सिमरामा मुद्दा दर्ता गराइएको र थप अनुसन्धानको लागि पहिलो पटक सात दिन प्रहरी हिरासतमा राख्न अनुमती लिएको जिल्ला प्रहरी कार्यालय बाराले जनाए ।
