बारामा म्यादी प्रहरीको लागि ११ हजार २ सय ६७ आवेदक मध्य २ हजार ५ सय २८ मात्रै छनौट हुने
चेरवन्त खबर डेस्क
नेपाल सरकारले वैशाख ३० गते हुने निर्वाचनका लागि म्यादी प्रहरीमा भर्ना खोले लगतै बारा जिल्लामा ११ हजार २ सय ६७ आवेदन दिइएका छन् । जस मध्धे बाराबाट २ हजार ५ सय २८ जना म्यादी प्रहरी मात्रै छनोट हुने सुचना प्राप्त भएको छ ।
प्रदेश प्रहरी कार्यालय, जनकपुरधामका अनुसार सप्तरीमा ९४३४, सिरहामा ६५०७, धनुषामा ९०२१, महोत्तरीमा ८०५४, सर्लाहीमा १०८५१, रौतहटमा ४४८४, बारामा ११२६७ र पर्सामा ६२०१ जनाले आवेदन दिएका छन् ।
यद्यपि माग भने सप्तरीमा ३१३९, सिरहामा २३३१, धनुषामा ३४८६, महोत्तरीमा २७३७, सर्लाहीमा ३०८८, रौतहटमा २५८९, बारामा २५२८ र पर्सामा १८०१ जना गरिएको प्रदेश प्रहरी प्रबक्ता एसपी तुलबहादुर कार्कीले बताए । आवेदन दिने म्याद हिजो अन्तिम दिन सकिएको छ ।