राष्ट्रिय युवा संघ नेपाल बाराले नेपाल सरकार विरुद्ध नाराबाजी तथा प्रधानमन्त्री देउवाको पुत्ला दहन
धिरेन्द्र तिवारी
राष्ट्रिय युवा संघ नेपाल बाराले नेपाल सरकार विरुद्ध नाराबाजी तथा प्रधानमन्त्री शेरबहादुर देउवाको हिजो पुत्ला दहन गरेको छ ।
स्थानीय तहको निर्वाचनको मिति घोषणा नगरेको विरुद्धमा एमाले निकट रास्ट्रिय युवा संघ नेपाल बाराले सोमबार दिउँसो दुई बजे कलैयाको भरत चौकमा नेपाल सरकारको विरुद्धमा प्रलर्शन गरेका थिए ।
देउवा सरकार मुर्दा वाद केपि ओलि जिन्दावाद निकम्मा मन्त्री रेणु यादवलाई बर्खास्त गर नाराबाजी सहित प्रधानमन्त्री देउवाको पुतला समेत जलाइएका थिए । गत माघ ५ गतेका दिन नेपाल सरकारका यातायात तथा भौतिक पुर्बधार मन्त्री रेणु यादवले गौर घटना फेरि दोहिरिने अभिव्यक्ति दिएको विरुद्धमा पनि नाराबाजी गरेका थिए ।
साथै मन्त्री यादवको राजानामाको माग समेत गरेका छन् । उक्त बिरोध कार्यक्रममा रास्ट्रिय युवा संघ नेपालका बारा जिल्ला अध्यक्ष पुरुषोतम साह, मधेश प्रदेश बारा क्षेत्र नम्बर ३ (ख) का शशी गुप्ता, कलैया नगर सचिव जाबेद अन्सारी, जिल्ला सदस्य सुबास साह, रामभगत माली, चन्दन पटेल, जयाउल हक लगायत रास्ट्रिय युवा संघ नेपालका जिल्ला कमिटीहरुको उपस्थिति रहेका थिए ।