ईलाका प्रहरी कार्यालय सिम्रौनगढमा कार्यरत प्रहरी नायब निरीक्षक महतो माथि भ्रस्टाचारको मुद्दा दर्ता
बारा जिल्लाको ईलाका प्रहरी कार्यालय सिमरौनगढमा कार्यरत प्रहरी नायव निरीक्षक पदमा कार्यरत विरेन्द्र महतो माथी भ्रस्टाचारको मुद्दा दर्ता भएको छ । महतो माथी अख्तियार दुरुपयोग अनुसन्धान आयोगले विशेष अदालतमा मुद्दा दर्ता गरेको आयोगका प्रवक्ता नारायण प्रसाद रिसालले जानकारी दिनु भयो ।
प्रहरी नायब निरिक्षक महतोले नेपाल प्रहरीको प्रहरी जवान पदमा नियुक्ति हुँदा पेश गरेका प्रमाण पत्रहरुमा गलत मनसायका साथ आफैले जन्म मिति सच्याई पेस गरेर बढुवाका लागि सिफारिस गराउँदै आएको अख्तियारले जनाएको छ ।
उनले बिभिन्न ब्यात्तितगत कागजातमा जन्म मिति सच्याएर राष्ट्रसेवकको ओहदा पाउने हैसियतले लाभ वा सुविधा लिई पदमा बहाल रहिरहने मनसाय राखी नेपाल सरकारलाई हानी पुर्याउने उद्देश्यले सो कार्य गरेको अख्तियार का प्रवक्ता रिसालले बताउनु भयो ।
भ्रष्टाचार निवारण ऐन, २०१७ को दफा १२ र प्रचलित भ्रष्टाचार निवारण ऐन, २०५९ को दफा १६ को उपदफा १० मा परिभाषित कसूर गरेको पुष्टि भएकोले महतोलाई साविक भ्रष्टाचार निवारण ऐन, २०१७ को दफा १२ र ऐ. ऐनको दफा २९ को उपदफा २० एवं प्रचलित भ्रष्टाचार निवारण ऐन, २०५९ को दफा १६ को उपदफा १० बमोजिम सजाय गर्न अख्तियार दुरुपयोग अनुसन्धान आयोगले विशेष अदालत समक्ष मागदाबी गरेको छ । हटलाइन दैनिकको सहयोगमा