बाराको भवरा खोलामा उच्च पानी बहावका कारण घास दाउरा गर्न गएकाहरु अलपत्र
चेरवन्त खबर डेस्क
बाराको निजगढ नगरपालिका स्थित रहेका भवरा खोलामा पानीको उच्च बहावका कारण घास दाउरा गर्न गएकाहरु अलपत्र परेका छन् । बिहिबारको दिन लगातार पानी परिहेकाले निजगढ सिंङ्गौल क्षेत्रमा रहेको जंगलमा गएका अन्दाजी १५ देखि २० जनाको संख्यामा अलपत्र परेका हुन् ।
निजगढमा रहेका सशस्त्र प्रहरी बल, नेपाल बिपद व्यबस्थापन बेशका प्रहरी नायब निरिक्षक दिनेश शर्माका अनुसार सडकटोल ६ बाट भवरा खोला हुँदै सिंङ्गौल जंगलमा पुगेका ति मानिसहरु खोला पारी नै अलपत्र छरिएर बसेका छन् । शसस्त्र टोलीले माइकिङ्ग मार्फत तिनिहरुलाई सुरक्षित रहन आग्रह गरिरहेको र पानीको वहाब कहि कमी हुने बितिकै उद्दार गर्न आफुहरु तयारी रहेको आश्वासन दिई रहेका छन् ।
त्यस्तै वडा नम्बर ७ बाट पनि सिंङ्गौल जंगलमा केही मानिसहरु गएको र आफुलाई जानकारी हुने बितिकै सबैलाई सतर्क रहन आग्रह गरेको ंनिजगढ नगरपालिकाका नगर प्रमुख सुरथ पुरीले बताउनु भयो ।