बिश्रामपुरका स्वंयम सेविकाहरुलाई दोसल्ला ओढाई सामग्री प्रदान
0 
0 
चेरवन्त खबर डेस्क
बारा जिल्लाको बिश्रामपुर गाउँपालिकामा १९ औं महिला स्वंयम सेविका दिवसको अवसरमा सम्मान कार्यक्रम सम्पन्न भएको छ । हिजो सोमबार आयोजना गरिएको सो सम्मान कार्यक्रममा पालिकाको सम्पुर्ण स्वंयम सेविकालाई ब्याग, टर्च, छाता, नेलकटर पनि प्रदान गरिएको हो ।
उक्त पालिकाको प्रमुख तथा अध्यक्ष पदमा रहेका जुल्फकार अली भुट्टो, उपाध्यक्ष प्रियंका देवी लगायत जनप्रतिनिधि र कर्मचारीहरुले स्वंयमलाई सम्मान तथा सामग्री वितरण गरेको प्रमुख प्रशासकीय अधिकृत राकेश ओझाले जानकारी दिनु भयो ।
महिला सामुदायिक स्वास्थ्य स्वयंमसेविकाको प्रतिवद्धता, स्वास्थ्य प्रवर्धनमा हाम्रो ऐकवद्धता भन्ने मुल नाराका साथ आयोजना गरिएको सो कार्यक्रममा बिश्रामपुर गाउँपालिका वडा नम्बर १ का वडाध्यक्ष संतोष कुमार पटेल, २ का वडाध्यक्ष मनोज कुमार यादव, ३ का शिवचन्द्र प्रसाद यादव, ४ का किहोरी साह कुसवाहा, ५ का वडाध्यक्ष अमिरीलाल प्रसाद गुप्ता लगायत कार्य पालिकाका सदस्यहरु, सम्पुर्ण शाखाका कर्मचारीहरुको उपस्थिती रहेको सुचना तथा संचार प्रविधी अधिकृत सुबोध कुमार चौरसियाले जानकारी दिनु भयो । 
