बाराको पचरौतामा लागु औषध गाँजासहित एक जना पक्राउ
चेरवन्त खबर डेस्क
बाराको पचरौता नगरपालिका वडा नम्बर ७ बेनौलिबाट सशस्त्र प्रहरीले २८ केजी गाँजा सहित एक जनालाई पक्राउ गरेको छ। पचरौता बेनौलि बोडर आउट पोष्टबाट खटिएको टोलिले बेनौलिबाट भारत तर्फ लैजाँदै गरेको गाँजा सहित पक्राउ गरेको हो।
पक्राउ पर्नेमा पचरौता नगरपालिका वडा नम्बर ३ बस्ने जियालाल पटेल रहेका छन्। तस्कर समुहले भरियाको रुपमा प्रयोग गरेर भारत तर्फ लागु औषध लैजान लागेको भन्ने जानकारीको आधारमा गाँजा सहित पटेललाई सशस्त्र प्रहरीले पक्राउ गरेको हो ।
पटेललाई लागु औषध गाँजा सहित पक्राउ गरी शुक्रबार राति नै ईलाका प्रहरी कार्यालय सिम्रौनगढमा आवश्यक कारवाहीको लागि बुझाईएको सशस्त्र प्रहरी बल, नेपाल १२ नम्बर गणका गणपति राजेन्द्र थापाले जानकारी दिएका छन्।