बारागढी गाउँपालिकाको कामकाज दुई हप्तादेखि अवरुद्ध
चेरवन्त खबर डेस्क
बारागढी गाउँपालिकामा प्रमुख प्रशासकीय अधिकृतको सरुवा यहि पौष २८ गते भएको थियो। नयाँ आउने प्रमुख प्रशासकीय अधिकृत वकिल पाललाई गाउँ पालिका उपाध्यक्ष लक्ष्मी देबि रायले हाजिर गराएकि थिईन। गाउँपालिका अध्यक्ष देवदत्त बछार थारुले निबर्तमान प्रमुख प्रशासकीय अधिकृत आमोद चौधरीलाई जान नदिने भएपछि बिबाद उत्पन्न भएको छ।
हालको प्रमुख प्रशासकीय अधिकृत पालले कार्यालयमा कामकाज गर्न जाँदा सो गाउँपालिकाको जनप्रतिनिधि लगायत केहि क्रमचारीहरु निबर्तमान प्रमुख प्रशासकीय अधिकृत चौधरी राम्रो काम गरेको चौधरी नै अधिकृतमा बस्नु पर्ने माग राखेका छन्। जसले गर्दा प्रमुख प्रशासकीय अधिकृत चौधरी नै बस्नु पर्ने माग राखि माघ ६ गते जनप्रतिनिधि लगायत स्थानियहरु बिरोध प्रदर्शन गरेका थिए।
त्यस्तै नाताबाद , भ्रष्टाचार प्रमुख प्रशासकीय अधिकृत नचाहिने गाउँपालिका अध्यक्ष सँग मिलि कागजात मिलाउन नपाईने , नेपालको कानुन बमोजिम आएका प्रमुख प्रशासकीय अधिकृत पाललाई नै कामकाज खटाउने भनि माघ ९ गते अर्का पक्षका स्थानियहरु बिरोध प्रदर्शन गरेका थिए।
दुबै पक्षको बिरोध प्रदर्शन भएपछि गाउँपालिका अध्यक्ष थारु पक्षले काठमाडौंमा बसि निबर्तमान प्रमुख प्रशासकीय अधिकृत चौधरीको सरुवा रोका गराउन लागेका छन्। भने यता हालको प्रमुख प्रशासकीय अधिकृत पाललाई नै कामकाजमा खटाउने भनि गाउँ पालिका उपाध्यक्ष पक्ष लगायत पाल समेत काठमाडौंमा नै बस्दै आएका छन। जसले गर्दा गाउँपालिका अध्यक्ष लगायत दुबै प्रमुख प्रशासकीय अधिकृत कार्यालयमा उपस्थित नभएकोले कामकाज नै प्रभावित भएको छ।
उक्त गाउँपालिकामा गाउँपालिका अध्यक्ष थारु र उपाध्यक्ष राय बिच कुरा नमिल्दा निबर्तमान प्रमुख प्रशासकीय अधिकृत चौधरीको रवाना पत्र तयार भएपनि चौधरीले रवाना पत्र बुझेका छैनन्। भने हालको प्रमुख प्रशासकीय अधिकृत पालले आर्थिक कारोबार गर्न अख्तियारी पाएका छैनन। जसले गर्दा गाउँपालिकाबाट भएको बिभिन्न शिर्षकको भुक्तानी हुन सकेको छैन । त्यस्तै बिभिन्न शिर्षकको सम्झौता लगायत बिकास निर्माण नै अवरुद्ध भएको स्थानियहरु बताउने गरेका छन्।