बारा क्षेत्र १ मा नेकपा एमाले विजयी हुने दाउमा, जनताले जिताउनेमा अच्युत मैनाली ढुक्क
चेरवन्त खबर डेस्क
आगामी मंसिर ४ मा हुने प्रदेशसभा तथा प्रतिनिधिसभा निर्वाचन नजिकिएसँगै बारा क्षेत्र नम्बर १ मा चुनावी सरगर्मी बढेको छ । राजनीतिक दलका नेताहरु तथा स्वतन्त्र उम्मेदवारहरु चुनावी मैदानमा होमिइरहँदा आफनो जित सुनिश्चित रहेको नेताहरुले बताउँदै आएका छन् ।
प्रतिनिधिसभा क्षेत्र १ मा ६ स्वतन्त्र समेत गरी १८ जनाको उम्मेदवारी परेको छ । नेताहरु आफ्नो साख जोगाउने रणनीतिमा लागिपरेका छन् । तर, कसको पल्लाभारी होला त्यो हेर्न भने बाँकी नै छ ।
जनताले जिताउनेमा अच्युत मैनाली ढुक्क
यता, नेकपा एमालेका पोलिटव्युरो सदस्य अच्युत प्रसाद मैनाली जसपनसँगको तालमेलमा निर्वाचनमा होमिएका छन् । मैनाली यसपटक आफ्नो शाख फर्काउने ध्याउन्नमा छन् । जिल्लामै ठूलो दलको रुपमा रहेको नेकपा एमाले र जसपासँगको तालमेलका कारण मैनालीको यो पटक जित सुनिश्चित देखिन्छ ।
यसअगि प्रतिनिधिसभा सदस्य चुनाबमा चौधरीसंग निर्वाचनमा २ हजार ४ सय मत हार खाएका मैनाली यसपटक विजयी हुने दाउमा छन् । पहिले पटक २०७४ मा राजित भएका मैनालीले यो पटक निर्वाचन जितेर उनी जितको पहिलो पटक खाता खोल्ने दाउमा छन । अघिल्ला निर्वाचनमा हार व्यहोर्न परेता पनि आगामी प्रतिनिधिसभा निर्वाचनमा एमालेबाट विजयी हुने उनको दाबी छ ।