करैयामाई १ स्थित साना किसान कृषि सहकारी संस्था लि.को १४ औं साधारण सभा सम्पन्न
चेरवन्त खबर डेस्क
बारा जिल्लाको करैयामाई गाउँपालिका वडा नम्बर १ स्थित साना किसान कृषि सहकारी संस्था लिमिटेड हरैयाको १४ औं बार्षिक साधारण सभा सम्पन्न भएको छ ।
उक्त साधारण सभाका सभापतित्वमा सहकारी संस्थाका अध्यक्ष रामलखन चौधरी रहेका थिए भने प्रमुख आतिथ्यमा करैयामाई गाउँपालिका अध्यक्ष भुवनेश्वर धामी रहनु भएको थियो । त्यस्तै साना किसान कषि सहकारी संघ लिमिटेडका जिल्ला अध्यक्ष मिश्री लाल सहनीले बिशिष्ट अतिथिको आसन ग्रहण गर्नु भएको थियो ।
सो कार्यक्रममा पालिकाका जनप्रतिनिधिहरु, वडाध्यक्षहरु, साना किसान कृषि सहकारी संस्था लि. छातापिपराका प्रवन्धक जितेन्द्र चौधरी, सपहीका प्रवन्धक अरुण कुमार चौधरी, तेतरियाका प्रवन्धक भुपेन्द्र चौधरी, कोल्हबी नगरपालिका वडा नम्बर ६ प्रसौनाका प्रवन्धक जितेन्द्र पंजियार, अमावका प्रवन्धक चित्रसेन चौधरी लगायत बिभिन्न सहकारी संस्थाका प्रवन्धक तथा प्रतिनिधिहरु, अगुवा, समाजसेवी तथा राजनैतिक दलका प्रतिनिधि र संस्थाका सदस्यहरुको उपस्थिती रहेको साना किसान कृषि सहकारी संस्था लिमिटेड हरैयाका प्रवन्धक भुपेन्द्र चौधरीले चेरवन्त खबरलाई जानकारी दिनु भयो ।