बिल बिजक नभएको सामान ईलाका प्रहरी कार्यालय अमलेखगंजको नियन्त्रणमा
चेरवन्त खबर डेस्क
बाराको ईलाका प्रहरी कायालय अमलेखगंजले बिल बिजक नभएको सामान आफ्नो नियन्त्रणमा लिएको छ ।
जितपुर सिमरा उपमहानगरपालिका वडा नम्बर २१ स्थित राजमार्गमा काकडभिट्टाबाट हेटौंडा तर्फ जाँदै गरेको ना. ५ ख. नम्बरको यात्रु बाहक बस प्रहरी हवल्दारकोे कमाण्डमा खटिएको चेकिङ टोलीले जाँच गर्ने क्रममा डिक्की भित्र लुकाई छिपाई लैजादै गरेको अवस्थामा सो सामान बरामद गरी नियन्त्रणमा लिइएको हो ।
उक्त सामानको बिल बिजक देखाउन नसके पछि नियन्त्रणमा लिईएको प्रहरीले बताए । नियन्त्रणमा लिईएको सामानमा २० कार्टुन र ३०० पिस सेतो फिनाइल अन्दाजै पच्चिस हजार बराबरको रहेको र आवस्यक कारबाहीको लागि नियन्त्रणमा लिईएको पनि ईलाका प्रहरी कार्यालय अमलेखगंजले जानकारी गराए ।