जनमत पार्टीका कार्यकर्ताद्वारा गौरमा बिरोध प्रदर्शन
दिपेन्द्र रजक (दिपु)
सिके राउत नेतृत्वको जनमत पार्टीका कार्यकर्ताहरुले रौतहटको सदरमुकाम गौरमा सरकारको विरुद्धमा प्रदर्शन गरेका छन । पार्टी जिल्ला अध्यक्ष रामेश्वर प्रसाद यादवको नेतृत्वमा तुल ब्यानर सहित दर्जनौंको संख्यामा गएका जनमत कार्यकर्ताहरुले विभिन्न १० सुत्रीय माग सहित गौर बजारमा प्रदर्शन गरेको हो ।
किसानको जायज माग पुरागर,निर्दोष कार्यकर्तालाई बिनासर्त अबिलम्ब रिहागर,प्रहरी दमन बन्द जस्ता नारा लगाउंदै बिपि चौक बाट सुरुभै गौर भन्सार सम्म पुगेर पुनः बिपि चौकमा पुगेर कोणसभामा परिणत भएको थियो ।
कोणसभामा जनमत पार्टीका केन्द्रिय उपाध्यक्ष अब्दुल खान,केन्द्रिय समाज कल्याण बिभाग प्रमुख बिरेन्द्र साह लगायतका नेताहरूले कृषि प्रधान देश नेपालमा मधेशका ९० प्रतिशत भन्दा बढी जनता कुनै न कुनै रूपमा कृषिमा आधारित रहेको र सरकारले मलखाद,बीउ,सिचाइको सुबिधा नदिएर किसान संग विभेद गरिरहेको बताएका थिए ।
किसानले आफ्नो माग पूरा गराउन आन्दोलन गर्दा जायज माग संबोधन गर्नुको साटो किसान माथि दमन गरिरहेको र विभिन्न झुठा मुद्दामा जनमत कार्यकर्ता लाई फंसाईरहेको कोणसभामा नेताहरुले आरोप लगाएका थिए ।
जनमत पार्टीले अघिसारेको मागहरुमा पूरा नभएसम्म आन्दोलन जारी रह्ने तथा आउँदा दिनमा आन्दोलन थप सश्क्त हुने नेताहरूले कोणसभामा चेतावनी दिएका छन।
जनमत पार्टीले अघिसारेको १० सुत्रीय मागहरुमा किसानको माग सम्बोधन गर्न उच्चस्तरीय समिति गठन गर ।समयमा मलखाद र बिउ बिजन को व्यवस्था गर । सिचाईको व्यवस्था गर, नसके सिंचाईका लागि विधुत निशुल्क गर ।हावा हुरी, बर्षा तथा मौसमका कारणले भएको बाली नालीको क्षति वापत राहत देउ ।फसलको उचित समर्थन मूल्य निर्धारण गर ।उखु किसान को भुक्तानी गर ।किसान कार्डको व्यवस्था गर ( किसान कार्ड देखाए सिमा नाकामा बजार बाट सामान ल्याउन पाइने व्यवस्था गर ।किसानलाई पनि पेन्सनको व्यवस्था गर । स्वतस् बाली नाली विमा हुने सुनिश्चितता गर । किसान माथि दमन बन्द गर, झुठा मुद्दा खारेज गर । गिरफ्तार आन्दोलनकारी लाई रिहा गर लेखिएको जनमत कार्यकर्ताहरुले प्रदर्शनको क्रममा पर्चा बितरण गरेका थिए। उक्त माग सहित जनमत पार्टीले सोमबार देखि अनिश्चित कालको लागि आव्हान गरेको रौतहट बन्दको खासै प्रभाव परेको देखिएन ।