देवताल ६ रौवाहीका बिद्यालयमा २६३ बिद्यार्थीलाई कोरोना बिरुद्धको खोप लगाइयो
चेरवन्त खबर डेस्क
बारा जिल्लाको देवताल गाउँपालिका वडा नम्बर ६ स्थित श्री नेपाल राष्ट्रिय माध्यमिक बिद्यालय रौवाहीका बिद्यार्थीहरुलाई कोभिड बिरुद्धको खोप लगाइएको छ ।
सो बिद्यालयले करिब २६३ बिद्यार्थीहरुलाई कोभिड बिरुद्धको मोडर्ना खोपको प्रथम डोज लगाइएको प्रधानाध्यापक लखन देव सिंहले जानकारी दिनु भयो । बिद्यालयमा आज अनुपस्थित भएका वा खोप लिन छुटेका बिद्यार्थीहरुलाई भोली १९ गते सोमबारको दिन पनि खोप लगाइने कुराको सुचना जारी गर्दै जानकारी गरेको सिंहले बताए ।
कोभिडको माहामारीबाट बच्न र बचाउनका लागि देशै भरका शिक्षक र बिद्यार्थीहरुलाई सबै भन्दा पहिला नेपाल सरकारले ध्यान दिनु पर्ने कुराको जिकिर गर्दै एक बिद्यार्थीले हाम्रा सम्वाद दातालाई बताएका थिए । उनले बिद्यार्थी देशका लागि भबिष्यका कर्णधार रहेकोले देशमा कुनै किसिमका महामारीको प्रकोप फैलिंरहदा सर्व प्रथम शिक्षक तथा बिद्यार्थीहरुलाई प्राथमिकता दिन समेत सम्बन्धित सबैलाई आग्रह गरे ।