बिरगंजबाट २५ लाख मूल्य बराबरको भन्सार छलीका सामाग्री सहित १ जना पक्राउ
चेरवन्त खबर डेस्क
पर्सा जिल्लामा भन्सार छलीको २५ लाख मूल्य बराबरको सामाग्री सहित प्रहरीले १ जनालाई पक्राउ गरेको छ ।
जिल्लाको बिरगंज महानगरपालिका वडा नम्बर ८ स्थित घण्टाघर सडक खण्डमा प्रहरीले चेकजाँच गर्ने क्रममा ना.३ ख ७४८ नम्बरको मालवाहक मिनी ट्रक सहित चालक प्रेम बहादुर स्याङ्बो तामाङ्लाई पक्राउ गरेको हो ।
पक्राउ परेका तामाङले सामाग्रीको बिलबिजक देखाउन नसकेपछि लत्ताकपडा तथा खुद्रा सामाग्री सहित उनलाई प्रहरीले नियन्त्रणमा लिइएको हो । उनी मकवानपुरको हेटौडा उपमहानगरपालिका वडा नम्बर १० निवासी ३७ वर्षीय रहेको पर्साका प्रहरी प्रवक्ता एवम् सुचना अधिकारी प्रहरी नायब उपरीक्षक ओमप्रकाश खनालले जानकारी दिए । खनालका अनुसार पक्राउ परेका तामाङ बिरुद्ध राजस्व छली सम्बन्धी कसूरमा आवश्य अनुसन्धान भइरहेको छ ।