कोल्हवीको अनुप दिपनी विद्यालयको अवस्था दैनिय , सम्बन्धित निकाय मौन
अभय दुबे
बारा जिल्लाको कोल्हवी नगरपालिका वडा नम्बर १ मा स्थित श्री अनुप दिपनि माध्यमिक बिद्यालयको अवस्था दैनिय रहेको छ। बिधालय व्यवस्थापन समितिको कमी कमजोरीले गर्दा विद्यालय पूर्ण रूपले व्यवस्थित हुन नसकेको जनाएको छ ।
वि. सं. २०१० सालमा विद्यालयको दुई तल्ले भवनको स्थापना भएको थियो । सो भवन अनुप दिपनिले निर्माण गरेका थिए । हाल सो भवन भत्किने अवस्थामा आई पुगेको छ। तर व्यवस्थापन समिति मौन रहेका छन् भने स्थानिय निकाय भ्रष्टचारमा लिप्त भएका छन् ।
सो विद्यालयमा हाल ११ सय विद्यार्थीहरूको संख्या रहेको छ । विगतको दिनमा उक्त विद्यालयमा विद्यार्थीहरूको संख्यामा अत्यधिक वृद्धि भएता पनि हालको अवस्थामा बिधार्थीहरुको सँख्यामा धेरै कमि आएको देखिने गरेको छ।
उक्त विद्यालयको नाममा हाल १६ बिघा जग्गा रहेको छ। र थप बाकी जग्गा बिस्तारै पता लगाउने कार्य भईरहेको बिधालयले जनाएको छ।
यसै गरी बिद्यालयको बार्षिक आय स्रोत १५ लाख रहेको छ । जसमध्ये ३ लाखको धान , १० लाख नगरपालिकाले लिएको जग्गाको भाडा र २ लाख विद्यार्थीहरुबाट परीक्षा शुल्क संकलन गरी जम्मा १५ लाख पुुग्ने गरेको छ । बिधालयमा कार्यरत शिक्षकहरुमध्ये आधि भन्दा बढी निजी स्रोतले भर्ना गरिएको छ । शिक्षकहरुको तलब भत्ता बार्षिक १८ लाख रुपैयाँ भन्दा बढि हुने गरेको छ । जसको कारण विद्यालयले समयमा शिक्षक हरुलाई तलब भत्ता दिन सकेको छैन । जस मध्ये नगरपालिकाले एक जना मात्र शिक्षक राखेको छ । शिक्षक पदपुर्ति हुन नसक्नुमा नगरपालिका र व्यवस्थापन समिति जिम्मेवार रहेेका छन ।
जिर्ण अवस्थाको भवन सो बिधालयकोका प्रधानाध्यापक रामप्रसाद चौधरी चिन्ता व्यक्त गरेका छन । पुरानो भवनलाई पुनः निर्माण गर्न नसकिने र यसलाई भत्काई पुनः यही ढाँचामा नयाँ भवन निर्माण गर्नलाई विद्यालय सँग आर्थिक आभाव रहेको छ । नगरपालिका को केही चासो नरहेको पछि विद्यार्थीहरूको जिवनसँग खतरा हुन सकिने अनुमान चौधरीले गरीरहेका छन। भोलिको दिनमा अचानक भवन भत्किन गयो भने विद्यार्थीहरूको ज्यान समेत जान सकिने देखिन्छ ।
यो सँगै विद्यालयमा पढ्ने विद्यार्थीहरू नसालु पदार्थ सेवन गर्न थालेको छ । घरमा विद्यार्थीहरूको अभिभावकहरुको लापरवाहीका कारण विद्यार्थीहरू विद्यालयमा समेत नसालु पदार्थहरुको सेवन गर्न थालेका छन । घरका अभिभावकहरुको समेत यसमा मौन भएको देखिन सकिन्छ।
यसरी बिधालयमा पढ्ने बिधार्थी हरुको जिवनसँग खेलवाड भईरहेको देखेर अभिभावक , बिधालय व्यवस्थापन समिति तथा नगरपालिकाले किन मौन बसेका होलान भनि प्रश्न समेत चौधरीले गरेका छन्। शिक्षकहरु बिधालयमा पठाउने मात्र गर्न सकिने बताएका छन।