बाराको श्रीपुर स्थित रिलायन्स सुगरमिलको गाडीमा आक्रमण
चेरवन्त खबर डेस्क
बारा जिल्लाको श्रीपुरमा स्थित रिलायन्स सुगर एण्ड केमिकल ईण्डष्ट्रिज प्रा. ली. का अधिकारीहरु सवार गाडीमा अपरिचित व्याक्तीहरुको समुहले आईतवार साझ आक्रमण गरेको छ ।
रुमाल र गम्छाले मुख छोपेर रड सहित सडकमा निस्केको उक्त समुहले उद्योगबाट अधिकारीहरुलाई क्वार्टरमा पुर्याउन निस्केको ना ३ च १५४९ नम्बरको बोलेरो जिप माथी ७।८ जनाको समुहमा रहेका नकाबधारीहरुले एक्कासी आक्रमण गरेको जिल्ला प्रहरी कार्यालय बाराले जनाएको छ । उक्त समुहले सवारी रोक्न खोजेको र सवारी नरोक्दा ढुंगा मुढा समेत प्रहार गरी गाडीमा क्षति पुर्याएको प्रहरीले जनाएको छ ।
आक्रमणलाई छल्दै जिप चालकले सशस्त्र प्रहरीको हनुमान मन्दिर सम्म पु¥याएपछि आक्रमणकारी भागेको र घटनामा संलग्न आक्रमणकारीहरुको खोजतलाश भईरहेको र क्षतिग्रस्त जिप पुनः चिनीमिलमै फर्काएर राखिएको सशस्त्र प्रहरीले जनाएको छ । आक्रमणकारीले प्रहार गरेको ढुंगामुढाबाट जिपमा सवार व्यक्तीहरु सामान्य घाईते भएको छ ।