रौतहट: मोटरसाइकलमा खैरकाठ सहित २ जना मानिस पक्राउ
दिपेन्द्र रजक (दिपु)
रौतहट स्थित मोटरसाइकलमा अबैध खैरकाठ ल्याउंदै गरेका २ जनालाई प्रहरीले पक्राउ गरेको छ ।चन्द्रपुर नगरपालिका गैंडाटार बाट ना२१ प ७५४९ नम्बरको मोसा खैरकाठको १६ थान डमरु लिएर आउंदै गरेको अवस्थामा २ जना लाई प्रहरीले पक्राउ गरेको हो।
पक्राउपर्नेमा गुजरा नगरपालिका १ कोठियारका तुलको लामा दोङका छोरा वीर बहादुर लामा दोङ र सोही ठाउँका जित बहादुर लामा दोङको छोरा बिजय लामा दोङ रहेको र उनिहरुलाई डमरु मोटरसाइकल सहित डिभिजन बन कार्यालय रौतहटमा बुझाईएको ईलाका प्रहरी कार्यालय चन्द्रनिगाहपुरका प्रमुख लिलाराज लामिछानेले बताएका छन ।
दुबैजना डमरु मोटरसाइकल सहित नियन्त्रणमा रहेको तथा आवश्यक अनुसंधान भैरहेको डिभिजन बन कार्यालय रौतहटका प्रमुख अमरदेव यादवले बताएका छन । अबैधरूपमा कटानगरि तस्करहरुले कांचो खैरको बनाएको डमरु मुकुण्डो बनाउन मकवानपुर,काठमाडौ चोरी लुकि लैजाने गरेको प्रमुख यादवले जानकारी दिएका छन । डिभिजन बन कार्यालय रौतहटका प्रमुख अमरदेव यादवले चन्द्रपुरका प्रहरी संगठन प्रति कृतज्ञता व्यक्त गरेका छन ।