रौतहटको कटहरियामा हावाको ट्यान्की विस्फोट हुँदा १ जनाको मृत्यु, एक जना घाईते
रौतहट जिल्लाको कटहरियामा संचालित एक वर्कशपमा हावाको ट्यान्की विस्फोट हुँदा १ जनाको मृत्यु भएको छ।
विस्फोट हुँदा मृत्यु हुनेमा मोटर वर्कशपका संचालक कटहरिया ५ का गोबरी मियांको छोरा २० बर्षीय समसुल मियां रहेका छन। पड्केको हावा ट्यान्कीको एउटा भाग उछिटेर समसुलको टाउको लागेर गहिरो घाउ बनेको प्रहरी चौकी कटहरियाले जनाएको छ। सो हावा ट्यान्की विस्फोट हुँदा एक जना घाइते समेत भएको छ। हावा ट्यान्कीकै फुटेको भाग उछिटेर समसुल संगै ग्यारेजमा बसिरहेका स्थानीय बर्ष २५ का जैसी यादवको दाहिने हातमा गम्भीर चोट लागेको छ । घाईतेको बिरगंजमा स्थित एक अस्पतालमा उपचार भईरहेको प्रहरीले जनाएको छ। उक्त घटना बारेमा थप विबरण आउन बाँकी रहेको प्रहरीले बताएको छ।