पर्सामा सिंगारका समानहरु भन्सार छलेर लगिरहेका अवस्थामा पिकअप गाडी सहित एक जना पक्राउ
पर्सा जिल्लामा करिब दश लाख मुल्य बराबरको सिंगारका समान सहित पिकप गाडी र एक ब्याक्तिलाई प्रहरीले पक्राउ गरेको छ ।
सूचना परिचालन तथा प्रहरी कारबाहीको सिलसिलामा बि.आर.ओ. ५ जिबि २१६६ नम्बरको बोलेरो पिकअप गाडीमा चुराको मात्र भन्सार कटाई अन्य विभिन्न किसिमका सिंगारक सामानहरू भन्सार छली ल्याइरहेको सूचना प्राप्त भए पछि जिल्ला प्रहरी कार्यालय पर्साबाट खटिएका प्रहरी टोलिले बरामद गरेको हो । उक्त सामानहरु प्रहरीले वीरगञ्ज महानगरपालिका वडा नं.७ स्थित रेल्वे सडकखण्डमा पिकअपलाई रोकी जाँच गर्ने क्रममा भन्सार छली गरी ल्याइरहेको अवस्थामा बरामद गरेको हो ।
प्रहरीले पिकअप तथा चालक भारत विहार रक्सौल वडा नं.१३ बस्ने ४० बर्षको पुनदेव प्रसाद यादवलाई नियन्त्रणमा लिएको हो । उक्त कस्मेटिक समानको १० लाख मूल्याङ्कन गरी आवश्यक कारवाहीको लागि राजश्व अनुसन्धान कार्यालय पथलैया पठाइएको जिल्ला प्रहरी कार्यालय पर्साले जनाएको छ ।