सञ्चारकर्मी सारदा पोखरेल सम्मानित
सिमरा :- आमसञ्चारको माध्यमवाट बारा जिल्लामा सुशासन कायम गर्न र सार्वजनिक सरोकारको विषयमा कलम चलाएको भन्दै संचारकर्मी शारदा पोखरेल सम्मानित भएकी छिन् ।
जीतपुरसिमरा वडा नं २ स्थित ब्राईटर एकेडेमी सिमराले शनिवार विद्यालयको १९ औ वार्षिकोत्सव तथा अभिभावक दिवसको अवसरमा सञ्चारकर्मी पोखरेललाई सम्मान गरेको हो । सो कार्यक्रमकी प्रमुख अतिथि वरिष्ठ लेखक तथा साहित्यकार डा.बिन्दु शर्माले सञ्चारकर्मी पोखरेललाई सम्मान पत्र प्रदान गरेकी थिईन् ।
सम्मान कार्यक्रममा बोल्दै ब्राईटर एकेडेमीका प्रिन्सिपल राजु कार्कीले सञ्चारकर्मी पोखरेलले आमसञ्चारको माध्यमवाट राज्यको सार्वजनिक सम्पति संरक्षण, भष्ट्रचार नियन्त्रण र सुशासन कायम गर्न महत्वपुर्ण भुमिका निर्वाह गरेको बताए ।
सञ्चारकर्मी पोखरेलले बारा जिल्लाको सार्वजनिक जग्गा संरक्षणमा भु–माफिया विरुद्ध, नदिजन्य उत्खनन्मा भएको बेथिति र वन तस्करहरु विरुद्ध र शिक्षा क्षेत्रमा कलम चलाउदै आएकी छिन् । पोखरेल पछिल्लो समयमा राष्ट्रिय सञ्चार माध्यम थाहा खबर र स्थानिय सञ्चार माध्यम पलखबर डटकममा कार्यरत छिन् ।स्रोत पल खबर