पर्सा प्रहरीद्वारा लागु औषध खैरो हिरोइन सहित एक भारतीय नागरिक पक्राउ
पर्सा जिल्लाको सूचना परिचालन र प्रहरी कारबाहीको सिलसिलामा सिर्सिया प्रहरी चौकीबाट खटिएको टोलीले लागू औषध खैरो हिरोइन सहित एक भारतीय नागरिकलाई पक्राउ गरेको छ ।
बिरगंज महानगरपालिका वडा नम्बर १७ स्थित आइ सि पि गेट निर संकास्पदरूपमा हिँडिरहेका अवस्थामा ३५ बर्षिय मन्टु पन्डित कुम्हाललाई पर्सा प्रहरीले पक्राउ गरेको हो ।
पक्राउ परेका कुम्हाल भारतको विहार जिल्ला, मोतिहारी थाना रक्सौल , हरैया पञ्चायत, वडा नम्बर ५ धुपुवाटोलको बासिन्दा रहेको छ । कुम्हाललाई रोकी रीतपूर्वक शरीर खानतलासी गर्दा उनले लगाएको पाइन्टको दाहिने खल्तीमा लुकाइछिपाई राखिएको लागु औषध खैरो हिरोइन ५ ग्राम १८० मिलिग्राम फेला परेको जिल्ला प्रहरी कार्यालय पर्साका प्रवक्ता तथा सुचना अधिकारी प्रहरी नायब उपरीक्षक ओम प्रकाश खनालले बताउनु भयो ।
उक्त लागुऔषध बरामद गरी कुम्हाललाई नियन्त्रणमा लिएर लागुऔषध सम्बन्धी कसूरमा अनुसन्धान अगाडि बढाइएको जानकारी गराएको छ ।