बिरगंज ८ का बिदुर अर्थात एकल पुरुषहरुलाई सम्मान कार्यक्रम सम्पन्न
0 
0 
पर्सा जिल्लाको बिरगंज महानगरपालिका वडा नम्बर ८ का कार्यलयको आयोजनामा सो वडा भित्रका बिदुर पुरुष अर्थात एकल पुरुषहरुलाई एक कार्यक्रम समारोहको आयोजना गरी सम्मान गरेको छ ।
उक्त वडाका अध्यक्ष राजकिशोर गुप्ताको अध्यक्षतामा भएको सो कार्यक्रममा प्रमुख अतिथीको रुपमा नगर प्रमुख बिजय सरावगी रहनु भएको थियो । यस्तो कार्यक्रम नगर भित्रमा त्यस वडाले मात्र पहिलो पटक गरेकोमा सो वडाका अध्यक्ष लगायत सम्पुर्ण सदस्यहरुलाई बधाई दिंदै नगर प्रमुख सरावगीले अगामी दिनमा पनि अन्य वडा तथा नगरबाट त्यस्ता कार्यक्रमलाई निरन्तरता दिने बताए ।
सो सम्मान कार्यक्रममा त्यस वडाका १८ जना बिदुर पुरुषलाई सम्मान पत्र , आर्थिक राशी , तथा फुल माला सहित सम्मान गरिएको थियो । यस कार्यक्रममा सम्मानित हुन पाउँदा आज एक नौलो अनुभुती भएको बिदुर पुरुष मदन प्रसाद गुप्ताले मन्तब्य मार्फत प्रंशसा ब्यक्त गर्नुभयो । कार्यक्रममा वीरगन्ज पब्लिक कलेजका निर्देशक डाक्टर दिपक शाक्य, एमाले नेता प्रभु हजरा ,राज कुमार गुप्ता लगायत बिधुर पुरुषहरुको सहभागिता रहेको थियो । उक्त कार्यक्रमको सहजीकरण बंशीधर गुप्ताले गरेका थिए ।
