पर्साको युवा समाजले बाढी पीडितका लागि राहत सामग्री पठाए
पर्सा जिल्लाको बिरगंजमा रहेको युवा समाजले सिन्धुपाल्चोक हेलम्बुका बाढी पहिरोबाट पिडित र घरबार गुमाएका परिवारहरुका लागि राहत सामाग्री पठाएको छ ।
युवा समाजले झण्डै ३ लाख मूल्य बराबरको चामल, दाल, तेल, चाउचाउ तथा मेडिकल सामाग्रीहरु लगायत मास्क, औषधि जस्ता सामाग्री बिहीबार बिहान हेलम्बु पठाएको हो ।
उक्त राहत सामग्री सहित बिहीबार विहान एक कार्यक्रमका बीच राहत सामाग्री लिएर पुर्याउन जानेहरुलाई मकालु चोकबाट बिदाई गरिएको अधयक्ष चौगाईले जानकारी गराए ।
संसारमा कुनै किसिमको प्राकृतिकले क्षति गरेको बेला मानवीय सहयोग गर्नु सबैको कर्तब्य भएकाले आफुहरुले पनि बाढी पहिरो प्रभावितलाई राहत पठाएको र आफुहरुले पठाएको राहत स्थानिय प्रसाशनको रोहबरमा प्रभावित र पिडित ब्याक्ति सम्म पुर्याइदिने अध्यक्ष चौगाइले बताएको छ ।