काेल्हवीका तपाईं नामले परिचीत ब्याक्तिद्वारा महादेव मन्दिरको निर्माण
बारा जिल्लाको काेल्हवी नगरपालिका वडा नम्बर एक बस्ने तपाईं नामले चिनिने ओमप्रताप चौधरीले आफ्नाे निजी लगानीमा उत्तरनाथ महादेव मन्दिरको निर्माण कार्य थालनी गरेको छ ।
कोल्हबी नगरको सो वडा भित्र रहेका सार्वजनिक जग्गाहरु विभिन्न भूमाफियाहरुले कब्जा गरीरहेकाे अवस्थामा चौधरीले त्यस किसिमका जग्गाहरुकाे संरक्षणमा आफु एक कदम अगाडि सरेकाे बताउनुभयाे । काेल्हवी गाउँकाे उत्तर पट्टि निर्माण कार्य सम्पन्न भइसकेको तर संचालनमा नरहेकाे काेल्हवी अस्पताल नजिकै रहेकाे घाेङयाही दहका प्राय जसो ऐलानी जग्गाहरु गाउँ लगायत बाह्य भुमाफियाहरुले आफ्नो नाममा दर्ता गराइसकेका र केही बाँकी जग्गाहरु अझै नाममा दर्ता गराउने प्रयासमा तल्लीन रहेकाले ती जग्गा संरक्षण गर्न आफु मन्दिर स्थापना गर्न लागेकाे चौधरीले जानकारी गराए ।
त्यस नगरपालिका अन्तर्गत रहेका वडाहरुमा यस्ता अनेकन सार्वजनिक जग्गाहरु रहेकाे भए तापनि जनप्रतिनिधिहरुले संरक्षण गर्न तिर ध्यान दिन नसकेका कारण जनताहरु चिन्तित रहेका छन । ओमप्रताप चौधरीले गरेका कार्यलाई सराहना गर्दै सो वडा नम्बर एकका युवा, अगुवा, राजनितिकर्मी लगायत संपूर्ण नागरिकहरु ओमप्रताप जस्तै सचेत नागरिककाे भुमिका निर्वाह गर्नु पर्नेमा त्यहाँका स्थानियहरुले जाेड दिए ।
´हामीहरु आफ्नाे बिरासतलाई जाेगाउन हरेक प्रयास गरेपनि जनप्रतिनिधि , अगुवा , राजनितिक कर्मीहरुकै मिलाेमताेमा ती भुमाफियाहरुले हाम्रा सार्वजनिक सम्पत्तिहरु हथ्याउन सफल रहेकाे गुनासाे एक स्थानीयले सुनाए । यस्ता सार्वजनिक जग्गाहरुकाे अहिले कराेडौंकाे मुल्यांकन रहेकाे भए ता पनि सम्बन्धित निकायले कुनै चासाे नदिएकाेले समयमै ती जग्गाहरुकाे संरक्षणकाे लागि ध्यान जाओस भनी निज स्थानीयहरुकाे कथन रहेकाे छ ।