बारामा लागू औषध गाजा सहित तीन जना पक्राउ
बारा जिल्लाको महागढिमाई नगरपालिका वडा नम्बर २ इनर्वा स्थित बरियारपुरबाट तेलकुवा जाने बाटोमा लागू औषध गाजा सहित तीन जनालाई पक्राउ गरेको छ ।
लागू औषध नियन्त्रण व्यूरो शाखा कार्यालय वीरगंजमा प्राप्त विशेष सूचनाको आधारमा आज दिउँसो लागू औषध नियन्त्रण व्यूरो शाखा कार्यालय वीरगंज र जिल्ला प्रहरी कार्यालय बाराबाट खटिएको संयुक्त प्रहरी टोलीले ४९ किलोग्राम अवैध लागू औषध गाँजा सहित तिनिहरुलाई पक्राउ गरेको हो ।
तेलकुवातर्फ गइरहेको ना २ ह ६१०६ नम्बरको कालो रंगको अटो र नम्बर नखुलेको पल्सर मोटरसाइकलमा आएका व्यक्तिहरूलाई चेकजाँच गर्दा निजहरूले बिक्रि वितरणको लागि अटोमा लुकाई छिपाई ल्याएको ४९ किलो ग्राम (७ पोका) अवैध लागू औषध गँजा सहित पक्राउ गरीएको जानकारी जिल्ला प्रहरी कार्यालय बाराले जानकारी दिएको छ।
पक्राउ पर्नेमा जिल्ला पर्सा सखुवा प्रसौनी गाउँपालिका वडा नं.१ औराहा बस्ने वर्ष ३९ को अमिरका पासवान (मो.सा.चालक), सोहि ठाउँ बस्ने वर्ष ५६ को रमेश चौधरी (अटो चालक) र वर्ष ३७ को राज कुमार ठाकुर (अटोमा सवार) रहेका छन्।
बरामद लागू औषध तथा सवारी साधनहरू र पक्राउ परेका ब्याक्तिहरुलाई जिल्ला प्रहरी कार्यालय बाराको नियन्त्रणमा राखी लागू औषध मुद्दामा थप अनुसन्धान भइरहेको जानकारी जिल्ला प्रहरी प्रवक्ता डिएसपी गौतम मिश्राले दिनुभएको छ।