नारायणी अस्पतालमा १ सय ९२ जनाको परिक्षणमा बाराका १० सहित थप ४० जनामा कोरोना पुष्टि
पर्सा जिल्लाको बिरगंज स्थित नारायणी उपक्षेत्रिय अस्पतालमा विभिन्न स्थानमा आएका १ सय ९२ जनाको थ्रोट स्वाबलाई परिक्षण गर्दा बाराका १० सहित थप ४० जनामा कोरोना सङ्क्रमण पुष्टि भएको छ ।
उक्त भाइरस सङ्क्रमण पुष्टि हुनेमा बाराका १०, पर्साका २४, सर्लाहीका ३, रौतहटका २ र काठमाडौँका १ जना बासोबासी रहेको नारायणी अस्पतालका डा. सरोज रोशन दासले जानकारी दिए ।
थपिएका सङ्क्रमितहरुमा ११ जना महिला पनि रहेका जनाइएको छ । उनीहरु १० वर्षदेखि ८० वर्ष उमार समूहका रहेका छन् भने उनिहरुको सिटि भ्यालु १४.८ देखि ३५.८ सम्म रहेको डा. दासले जानकारी दिए । ।