पर्सामा मेडिकल उपकरण कालोबजारी गर्ने एक व्यापारी पक्राउ
पर्सा जिल्लाको बिरगंज महानगरपालिका वडा नम्बर १६ स्थित नगवाका एक ब्यापारीलाई अक्सिमिटर बढी मुल्यमा बिक्रि वितरण गरेको आरोपमा पक्राउ गरेको छ ।
पक्राउ परेको ३२ बर्षिय रामहरी तिवारीले आफ्नै घरमा गरेको औषधि पसलबाट करीब १९०० रुपैया पर्ने पल्स जाँच गर्ने मेसिनलाई ३५०० रुपैयामा बेचेको बिशेष सुचनाको आधारमा पक्राउ गरिएको हो ।
जिल्ला प्रहरी कार्यालय पर्साको टोलिले तिवारीको औषधि पसल रीतपूर्वक खानतलासी गरी उक्त पसलबाट अक्सिमिटर १२ थान बरामद गरेको छ । र तिवारीलाई नियन्त्रणमा लिई कालोबजारी सम्बन्धी कसूरमा अनुसन्धान अगाडि बढाइएको पर्सा प्रहरी कार्यालयको प्रवक्ता तथा सुचना अधिकारी प्रहरी नायब उपरीक्षक ओम प्रकाश खनालले जानकारी दिनु भयो ।