बारा जिल्लामा तत्काल निषेधाज्ञा नगरिने
बारा जिल्लामा कोरोना भाइरसको कारण तत्काल निषेधाज्ञा नगरिने भएको छ । हाट बजार लगायतका सार्वजनिक स्थलहरु र भिडभाड हुने क्षेत्रहरूमा एक दमै कडाइ गरिने छ ।
कोरोना भाइरस अर्थात कोभिड–१९ संकट व्यवस्थापन केन्द्र (सीसीएमसी)ले शहरी क्षेत्रमा ५ सय सक्रिय संक्रमित नाघे निषेधाज्ञा गर्न सक्ने अधिकार जिल्लालाई दिन सिफारिस गरेको छ ।
बारा जिल्लामा रहेको जिल्ला कोभिड–१९ संकट व्यवस्थापन केन्द्र (डीसीसीएमसी) मार्फत निर्णय गर्ने गरी प्रमुख जिल्ला अधिकारीलाई निषेधाज्ञाको अधिकार दिईएको होे ।
सोअधिकार प्रयोग गरी जिल्ला प्रशासन कार्यालय बाराले जिल्लामा निषेधाज्ञा लगाउने तयारीमा रहेको भएतापनी तत्काल निषेधाज्ञा नगरिने बताइएको छ ।
मंगलबार जिल्ला प्रशासन कार्यालय कलैयामा बाराका प्रमुख जिल्ला अधिकारी सुरेन्द्र पौडेल र नेपालको तीन वटै सुरक्षा निकायका प्रमुख एवम् १६ वटै स्थानिय तहका प्रमुख तथा प्रतिनिधिहरु सहित सरोकारवालाको बैठकले जिल्लामा निषेधाज्ञा नलगाउने निर्णय गरेको छ।
बढि भिडभाड हुने ठाउँ जस्तै हाट बजार, तरकारी बजार, पसलहरु आंशिक रुपमा सँचालन, सार्बजनिक यातायात तथा सिमानाकामा कडाई गर्ने समेत निर्णय भएको जानकारी प्राप्त भएको छ।
बारा जिल्लामा हाल ३ सय ३८ जना संक्रिय कोरोना संक्रमित रहेका छन भने १० जनाको मृत्यृ भईसकेको छ ।