बिरगंजका १० ठाउँमा चेकिङ्ग पोइन्ट , २६६ प्रहरी परिचालन
0 
0 
पर्सा : कोरोना भाइरस नियन्त्रणका लागि जारी गरिएको निशेधाज्ञा गर्न पर्सा जिल्लाको बिरगंजमा १० वटा चोकमा चेकिङ्ग पोइन्टका साथै २६६ जना प्रहरी परिचालन गरिएको छ ।
बिरगंज बजारमा बिना कारण हिँडडुल गर्ने सर्वसाधारणलाई होल्ड गरिएको छ भने तोकिएको बाहेकका ५० भन्दा बडी मोटर साईकल सवारीसाधन पनि होल्ड गराइएको जिल्ला प्रहरी कार्यालय पर्साका प्रमुख एसएसपी बेलबहादुर पाण्डेले जानकारी दिए ।
पर्सा जिल्लामा प्रहरीले कोरोना भाइरस (कोभीड १९ ) रोकथामका लागि स्थानीय प्रशासनले बिहीबारदेखि निषेधाज्ञा जारी गरेसँगै त्यसको कार्यान्वयनका लागि वीरगन्जमा कडाइ गरेको छ ।
एसएसपी बेलबहादुर पाण्डेले वीरगन्जका २६ ठाउँमा पिकेट ड्युटीमा प्रहरी परिचलान गरिएको छ भने ट्राफिक र प्रहरीले संयुक्तरुपमा १० ठाउँमा सवारी चेकिङ गरेको छ । यस्तै मोबाइल, क्युआरटी र सीआरभी भ्यान परिचालन गरेर निषेधाज्ञाको अनुगमन भएको छ । यस्तै मास्क नलगाएकालाई पनि होल्ड गरिएको छ ।
उनका अनुसार पर्सां जिल्लाको हकमा १० बजेसम्म सामान किन्न जानेहरूलाई छुट दिइएको छ । तोकिएका बाहेकका गाडी र मोटरसाइकललाई नियन्त्रणमा लिएर होल्ड गरिएको उनको भनाइ छ ।
