पर्साको नर्सिंङ अस्पतालमा कार्यरत एक महिलाको कोरोना संक्रमणले मृत्यु
पर्सा जिल्लाको वीरगञ्ज स्थित नारायणी अस्पतालमा उपचारका क्रममा नर्सिंङ अस्पतालमा कार्यरत एक कोरोना सङ्क्रमित महिलाको मृत्यु भएको छ ।
बैशाख ३ गते कोरोना पुष्टि भएकी उनलाई ५ गते अस्पताल भर्ना गरिएको थियो । कडा किसिमको निमोनिया सहित उनलाई श्वासप्रश्वासमा समेत समस्या भएपछि अस्पताल भर्ना गरिएको डा. सरोज रोशन दासले बताए ।
विगत पाँच दिनदेख अस्पतालमा उपचार गराइरहेकी ६१ वर्षीय महिलाको सङ्क्रमणका कारण मृत्यु भएको हो । उनको आज बिहान सवा १ बजे मृत्यु भएको अस्पतालका कोभिड संयोजक डा. दासले जानकरी दिए ।
उनी वीरगन्ज नर्सिङ कलेजमा भान्सेको रुपमा कार्यरत थिईन् । वीरगन्ज नर्सिङ कलेजका १९ जना विद्यार्थी र कर्मचारी सहित २५ जनामा कोरोना संक्रमण पुष्टि भएको थियो ।
डा। दासका अनुसार महिलालाई अस्पतालस्थित कोभिड अईसियूमा राखेर उपचार गर्दागर्दै मृत्यु भएको थियो ।चैत अन्तिम सातादेखि पर्सामा बढ्दो कोरोनाका कारण अहिलेसम्म ७ जनाले आफ्नो ज्यान गुमईसकेका छन् भने ३ सय भन्दाबढी सङ्क्रमित भएका छन् ।