पर्सामा भन्सार चोरी पैठारीको मालसामान सहित ट्रक नियन्त्रणमा
जिल्ला प्रहरी कार्यालय पर्साले भन्सार छली चोरी पैठारी गरि ल्याइएका मालसामान सहित एक ट्रक नियन्त्रणमा लिइएको छ ।
नक्कली बिल बिजक बनाई लगिदै गरेको ना. ३ ख. ७२१० नम्बरको मालबाहक ट्रकलाई बिरगंज महानगरपालिका वडा नम्बर १४ गण्डक स्थित चेक जाँच गर्ने क्रममा अन्दाजी मूल्य रु. ४२ लाखको अबैध मालसामान सहित सो ट्रकलाई नियन्त्रणमा लिइएको हो ।
पशुपति रोड कैयर्स बिरगंजबाट नारायणगढ तर्फ गैरहेको उक्त नियंत्रित ट्रकमा कस्मेटिक, हार्डवेयर र किराना सामान रहेको थियो । सो सामान र ट्रक सहित जितपुर सिमरा उप-महानगरपालिका वडा नम्बर ७ बस्ते २८ बर्षको सुरज सिंह चालक समेतलाई नियन्त्रणमा लिई आवश्यक अनुसन्धानको लागि राजश्व अनुसन्धान कार्यालय पथलैया बारामा पठाइएको जिल्ला प्रहरी कार्यालय पर्साका प्रवक्ता प्रहरी नायब उपरीक्षक प्रल्हाद कार्कीले जानकारी दिनु भयो ।