पाकिस्तानको मदरसामा बिस्फोट, ८ जनाको मृत्यु

खैबर पख्तुनख्वाह प्रान्तको पेशावर सहरस्थित जमिया जुबेरिया मदरसामा त्यसबेला बिस्फोट भएको हो, जतिबेला विद्यार्थीहरु कुरान पढिरहेका थिए । बिस्फोटमा मृत्यु भएकामध्ये चार जना विद्यार्थी छन् । उनीहरुको उमेर २० देखि २५ वर्षसम्म छ ।

अहिलेसम्म घटनाको कुनै समूहले जिम्मा नलिएको डन न्यूजले जनाएको छ ।

पाकिस्तानी प्रधानमन्त्री इमरान खानले विस्फोटको निन्दा गरेका छन् ।