बारामा चट्याङले चार जनाको मृत्यु, ५ जना गम्भीर घाइते
बारा जिल्लाको फेटा गाउँपालिकामा दुई जना र कलैया उप-महानगरपालिका – १२, सितलपुरमा दुई जना गरि चार जना महिलााको आज बिहान चट्याङ्ग लागेर ज्यान गएको छ ।
फेटाको अर्का पाँच जना महिला पनि घाइते भएको गाउँपालिकाका अध्यक्ष अमिरीलाल प्रसादले जानकारी दिएका छन ।
आज बिहान पानीसँगै परेको चट्याङ्ग लागेर फेटा गाउँपालिकाको वडा नं. ३ त्रिवेणी गाउँका जादोलाल कुशवाहा र भरत कुशवाहाकी श्रीमतीको घटनास्थलमै मृत्यु भएको उनले बताए ।
चट्याङ्ग लागेर घाइते गम्भीर भएका पाँच महिलालाई थप उपचारका लागि कलैया अस्पताल पठाउन लागिएको फेटाको गाउपालिका अध्यक्ष अमिरीलाल प्रसादले जानकारी गराए । तीनै जना महिलाहरु आज बिहान रोपाई गर्न घरबाट निस्केका थिए ।