पहिरो गएकोले पृथ्वी राजमार्ग अन्तर्गतका मुग्लिन–आँबुखैरेनी अवरुद्ध
तनहु : पहिरोका कारण पृथ्वी राजमार्ग अवरुद्ध भएको छ। सुख्खा पहिरोका कारण पृथ्वीराजमार्ग अन्तर्गत मुग्लिन–आँबुखैरेनी अवरुद्ध भएको छ।
आँबुखैरेनी गाउँपालिका–२ ऐना पहरा नजिकै सोमबार राति पहिरो जाँदा उक्त राजमार्ग अवरुद्ध भएको हो। पहिरोले राजमार्ग अवरुद्ध बनेपछि सयौं सवारी साधन आवातजावात हुन सकेको छैन।
आइतबारदेखि परेको अविरल वर्षाका कारण जमिन गलेकाले माथिबाट डाँडो झरेपछि राजमार्ग अवरुद्ध भएको जिल्ला प्रहरी कार्यालय तनहुँका प्रहरी नायव उपरीक्षक युवराज तिमिल्सिनाले जानकारी दिए।
पहिरो हटाउनका लागि डोजर प्रयोग गरेर हटाउने प्रयास भइरहेको तिमिल्सिनाले बताए। राजमार्गमा झरेको पहिरो हटाउन समय लाग्ने देखिएको इलाका प्रहरी कार्यालय आँबुखैरेनीले जनाएको छ।