मस्जिदबाट कोरोना संक्रमति भेटिएपछि बाराको मदर्सा र मस्जिदको अनुगमन सुरु
कलैया :मस्जिदबाट कोरोना संक्रमति भेटिएपछि बाराको मदर्सा र मस्जिदको अनुगमन सुरु गरिएको छ । मुस्लिम आयोग नेपाल जिल्ला स्तरीय समितिले बारा जिल्लाको विभिन्न मदर्सा र मस्जिदहरुमा अनुगमन सुरु गरेको हो ।
बाराको पचरौता नगरपालिकाको लङ्गडा चौक, आदर्श कोतवाल गाउँपालिकाको कोतवाली, सिम्रौनगढ नगरपालिकाको किशुनपुर, सिम्रौनगढ नगरपालिकाको पर्सा, सिम्रौनगढ लगायतको मस्जिद तथा मदर्साहरुमा अनुगमन गरिएको छ ।समितिले मुस्लिम समुदायलाई लकडाउनको नियम पालना गर्न गराउनको लागि अनुगमन गरिएको हो । समितिले रमजानको समयमा आ–आफ्नो घरमा बसी ईफ्तारि गर्ने, नमाज र तराबी पढ्न सुझाव दिएको मुस्लिम आयोग समिति बाराका सदस्य डा. कमरुल्लाह अन्सारीले जानकारी दिएका छन ।
अनुगमनको क्रममा मस्जिद र मदर्साहरुमा धर्म गुरुहरु भेटिएको बताए । अनुगमनमा मुस्लिम आयोग नेपाल जिल्ला स्तरीय समितिका संयोजक राजमहम्मद राय, सदस्य कलामोदिन अंसारी ९मदनी०, डा। कमरुल्लाह अंसारी, मुफिद सिद्दकी, जिबुल्लाह अंसारी सहभागि थिए ।एपि खबरबाट