कोरोना संक्रमित फेला परेसँगै बारा जिल्लाबासीमा त्रास
बारा । बारामा बुधवार एकै दिन दुई जनामा (कोभिड-१९) कोरोना भाइरसको संक्रमण पुष्टि भएपछि स्थानीय त्रसित बनेका छन् ।
जिल्लामा पहिलो पटक कोरोना संक्रमित जीतपुरसिमरा उपमहानगरपालिका वडा नं.७ का स्थानीय ४७ वर्षिय र सिम्रौनगढ नगरपालिका वडा नं.४ घर भई जीतपुरसिमराको वडा नं.१९ ईनरवासिरा स्थित स्थानीय मस्जिदमा बस्दै आएका ३१ वर्षिय पुरुषमा कोरोना संक्रमण रहेको पुष्टि भए पछि जिल्लाबासी त्रसित बनेका हुन् ।
यहाँमा सञ्चालनमा रहेका अति आवश्यक तरकारी तथा खाद्यान्न व्यापरीले अआफ्नो व्यापार पूर्ण रुपमा बन्द गरेका छन् ।
बाराको छिमेकी जिल्ला पर्सा र रैतहटमा कोरोना भाइरसको संक्रमणको त्रासमा रहेका बारालीहरु पनि जिल्लाको जीतपुरसिमरा उपमहानगरपालिकामा कोरोना पुष्टि भए पछि निकै त्रसित भएका हुन् ।
बाराको मुख्य बजार क्षेत्र रहेको जीतपुरमा भेटिएका संक्रमितहरू गएको फागुन २८ गते नेपाल फर्किएका थिए ।
मुख्य सहरका व्यक्तिमा नैं संक्रमण भए पछि स्थानीय भने त्रसित बनेका हुन् । दुबै सक्रमितमा ४९ दिन पछि कोरोना रहेको पुष्टि भएको हो ।
यस्तै जिल्लाको निजगढ, कोहल्बि, सिमरा, कलैयालगायतका स्थानीय बिहान सम्म अति आवश्यक तरकारी तथा खाद्यान्न किन्न बजार सम्म आउँने गरेका भएता पनि अहिले सुनसान देखिएको छ ।
यसैबिच भरतको दिल्लीको नेजामुदिन मरकचमा आयोजित तबलिगी जमातको धार्मिक सभामा सहभागी भएर फर्किएका दुबै जना कोरोना संक्रमितको सम्पर्कका आएकाहरूको खोजी कार्य समेत तिब्र पारिएको छ ।
उनीहरू ६ मार्चमा दिल्ली गएर ११ मार्चमा अर्थात फागुन २८ गते नेपाल फर्किएका थिए । भने चार दिन अगि बैशाख १४ गते मात्रै उनिहरूलाई क्वारेन्टाइनमा राखिएको हो ।
सोहि दिन उनिहरुको स्वाब परिक्षणका निम्ति राष्ट्रिय जनस्वास्थ्य प्रयोगशाला, टेकुमा पठाईएको थियो ।
संक्रमितहरूलाई जीतपुरसिमरा उपमहानगरपालिका वडा नं.२ सिमरामा बनाईएको कोरोना अस्पतालमा रहेको आईसोलेसन वार्डमा राखिएको थियो ।
विश्व नैं अहिले माहामारीको रूपमा रहेको कोरोनाको कहरबाट गुज्रिरहेको अवस्था छ । देश बिदेशबाट नेपाल आउनेहौर्ले आफैले पनि क्वारेन्टाईनमा गएर स्वास्थ्य परिक्षण गराउनु पर्ने आवश्यक देखिन्छ । यो समाचार श्याम गुप्ताले खरीबोट डट कममा लेख्नु भएको छ ।