नारायणी अस्पतालमा रहेका ४ जनाको कोभिड रिर्पाेट नेगेटिभ सोमबार डिस्चार्ज गरिने
वीरगञ्जको नारायणी कोभिड अस्पतालको आइसोलेसनमा उपचार भई रहेका पाँच जना मध्ये चारजनाको रिर्पोट नेगेटिभ आएको छ । वीरगञ्ज वडा नम्बर २ छपकैयाको मक्कीजामे मस्जिदमा रहेका तीनजना, रौतहट र सर्लाहिका दुईजना गरी अहिले वीरगञ्ज नारायणी अस्पतालको आइसोलेसनमा पाँचजना भर्ना छन ।
उनिहरु मध्ये चार जनाको तीनदिन अघि पठाइएको स्वाब परिक्षणको बिहिवार रिर्पोट नेगेटिभ आएको प्याथोलिष्ट डाक्टर निरा पाठकले बताउनु भयो । पछिल्लो रिपोर्टमा चारै जनाको नेगेटिभ आएपछि शुक्रवार पुन स्वाब परिक्षणको लागि राष्ट्रिय जनस्वास्थ प्रयोगशाला टेकु काठमाण्ढौमा पठाइएको उनले बताइन ।
राष्ट्रिय जनस्वास्थ प्रयोगशाला टेकु काठमाण्ढौमा पठाइएको उनको रिपोट अब नेगेटिभ आए उनिहरुलाई सोमबार नेपाल सेनाको जिम्मा लगाउने श्रोतले जनाएको छ ।