कलैया । कोल्हबी नगरपालिका वडा नम्बर ५ बलूवा निवासी समाजसेवी रबिन्द्र चौधरीले आफ्नो जन्मोत्सवको अवसरमा विद्यालयमा अध्ययनरत विद्यार्थीहरूलाई १५० थान न्यानो टोपी वितरण गर्नुभएको छ।
बिगतका दिनमा नयाँबस्ती, बलुवा, बोधबन–रामबन लगायतका विद्यालयका विद्यार्थीहरूलाई न्यानो कपडा, ब्याग तथा पोसाक वितरण गरे झै चौधरीले यस वर्ष श्री ने.रा.प्रा.वि. कोल्हवी ९ मुसहर्नाका बिद्यार्थीहरुलाई जाडो मौसममा लगाउने टोपी वितरण गर्नु भएको हो । सो बिद्यालयकी प्र.अ. ममता पौडेलको रोहबरमा वितरण गरिएको जनाइएको छ ।
सहयोगी भावनाका धनी चौधरीले आफ्नै लगानीमा रामबन प्रवेशद्वार बोर्डसमेत जडान गरिदिनुभएको छ। यस अघि तामागढी सिम्रौनगढ सडक खण्डको जंगल भित्र पर्ने सडक दायाँ बायाँ सरसफाई समेत गरेका थिए। उहाँको निरन्तर सामाजिक योगदानप्रति स्थानीयवासी तथा विद्यालय परिवारले प्रशंसा व्यक्त गरेका छन्।
