काठमाडौं । आज देशका तराई भू–भागमा हुस्सुरकुहिरो लाग्ने मौसम पूर्वानुमान गरिएको छ । यसले दैनिक जनजीवन, यातायात तथा हवाई उडानमा आंशिक असर पार्न सक्ने मौसमविद्हरूले बताएका छन् ।
मौसम पूर्वानुमानअनुसार कोशी, बागमती र गण्डकी प्रदेशका पहाडी भू–भागमा आंशिक बदली रहनेछ भने बाँकी पहाडी तथा हिमाली भू–भागमा मौसम मुख्यतया सफा रहनेछ ।
आज राती भने देशका तराई भू–भागमा हुस्सु रहनेछ । कर्णाली प्रदेश, सुदूरपश्चिम प्रदेश लगायत लुम्बिनी प्रदेश र गण्डकी प्रदेशको पहाडी भू-भागमा आंशिक बदली रही बाँकी पहाडी तथा हिमाली भूभागमा मौसम मुख्यतया सफा रहने जल तथा मौसम विज्ञान विभागको पुर्वानुमान रहेको छ।
आवश्यक सतर्कता अपनाउन तराई क्षेत्रका बासिन्दालाई अनुरोध गरिएको छ ।
