कलैया । नेपाल पत्रकार महासंघ बाराका अध्यक्ष रमेश सुवेदी मोटरसाइकल दुर्घटनामा परेका छन् । हिजो आइतबार साँझ बिरगंजबाट कलैया आउने क्रममा पछाडीबाट एक मोटरसाइकलले उनको मोटरसाइकललाई ठक्कर दिंदा सो दुर्घटना भएको हो ।
दुर्घटनामा परी उनको खुट्टामा चोट लागेको छ । उनको मोटरसाइकलमा क्षति भई पुर्ण रुपले नोक्सान भएको बताइएको छ । भने सुवेदीको अवस्था अहिले सामान्य रहेको खबर प्राप्त भएको छ । उनलाई पछाडीबाट ठक्कर दिने मोटरसाइल फरार रहेको छ । पहिचान हुन सकेको छैन । खोजी कार्य तिब्र रहेको प्रहरीले बताए ।
हिजो राती उनी समाजिक संजाल फेसबुक मार्फत जानकारी गराएका थिए । उनको लेख यस्तो रहेको छ :– ” वीरगञ्जबाट कलैया आउने क्रममा भएको त्यो भयानक बाईक दुर्घटनाले मेरो जीवनको पूरै तस्वीर बदलिदियो। ती केही सेकेन्डहरूमा मैले मृत्युलाई यति नजिकबाट महसुस गरें कि ‘काललाई पनि प्रत्यक्ष देखेँ, गाडीको के कुरा म बाँचे”। शरीरका चोटहरू त समयसँगै निको होलान्, तर मनमा लागेको त्यो गहिरो छाप कहिल्यै मेटिने छैन। यो मेरो दोस्रो जीवन हो, एउटा उपहार हो, र अब म हरेक पलको महत्त्व बुझ्नेछु। जीवनदानको लागि भगवान र शुभेच्छुक सबैलाई धेरै धेरै धन्यवाद१ कृपया सुरक्षित यात्रा गर्नुहोस्।”
