कलैया । बारा जिल्लाको बारागढी गाउँपालिका वडा नम्बर ५ चेरवन्त पथरामा मेला लाग्ने भएको छ । उक्त मेला बिनोद सहनीको अध्यक्षतामा आयोजना गरिएका हुन् । सो मेलामा बाराली ग्रुपका कलाकारहरुको प्रस्तुती रहने मेला व्यवस्थापक मुरारी प्रसाद चौधरीले जानकारी दिएको हो ।
चौधरीका अनुसार यही मंसिर १७ गतेदेखि २० गते सम्म आयोजना गरिएको श्री महाबिरी झण्डा मेला पश्चात पथरा गाउँको चौकमा हप्ताको दुई दिन बुधबार र शनिबार हाट बजार लगाउने मुख्य उदेश्य रहेको छ ।
मेला उद्घाटन दिन १७ गते राती बाराली ग्रुपका कलाकारहरुको जोडदार प्रस्तुती रहने भएको छ भने १८ गते दिनमा र १८ गते रातमा ढाका पुर्वी चम्पारणको नाच पार्टी, १९ गते दिन र रातमा गडुडा नेपालको ख्याति प्राप्त नाच पार्टीको व्यवस्था गरिएको छ। त्यस्तै मेला समापन हुने २० गते दिनमा नेपाल र भारतको प्रसिद्ध पहलवालहरुको दङल कुस्तीको पनि आयोजना गरिएको बिनोद चौधरी (गब्बर सिंहले) बताए।
मनोरञ्जनको लागि विभिन्न किसिमको खेल तामासा, झुला, रोटे पिङ, जम्पिङ प्याड, बाल उद्यानको व्यवस्था गरिएको मेला आयोजना गर्न करिब चार लाख पचास हजार अनुमानित खर्च लाग्ने मेला समिति कोषाध्यक्ष भोजराज चौधरीले बताएको छ।
बाराको बारागढी गाउँपालिका ,कोल्हबी नगरपालिका , आदर्शकोतवाल गाउँपालिका, छिमेकी जिल्ला रौतहटको फतुवा बिजयपुर नगरपालिकाका दर्शकहरु समेत आउने मेला सचिव दिलिप चौधरीको भनाई रहेको छ।
