कलैया । गैर आवासीय नेपाली संघ (एन आर एन ए) मलेसिया नामक संस्था द्वारा कलैया स्थित अमृता अनाथ आश्रमलाई खाद्यान्न सामग्री हस्तान्तरण गरिएको छ ।
एन आर एन ए का अध्यक्ष महागढीमाई नगरपालिका १ निवासी राकेश कुशावाहाले आफ्नो जन्मदिनको अवसरमा आश्रमका संचालिका फुलमती बस्नेतलाई चामल ,दाल , तेल , आलु ,प्याज लगायतको खाद्यान्न सामग्री हस्तान्तरण गरिएको हो ।
अमृता अनाथ आध्रममा आयोजित अपौचारिक कार्यक्रमलाई सम्बोधन गर्दै एन आर एन ए को अध्यक्ष कुशवाहाले असहाय बालबालिकालाई सहयोग गर्नु ठूलो धर्म रहेको बताए । आउने दिनमा सनेत आफुले आश्रमका लागि सहयोग गर्ने बताए ।
कलैया उपमहानगरपालिका वडा न ४ का वडा अध्यक्ष रामेश्वर यादवको अध्यक्षतामा भएको कार्यक्रममा नेपाल पत्रकार महासंघ बाराको उपाध्यक्ष पनालाल दास , बाल हेल्प लाईनको जिल्ला प्रतिनिधि बृजमोहन कुशवाहा ,आर के ग्रुप महागढीमाईको रमेश कुशावाहा लगायत आश्रमका संचालिका फुलमती बस्नेत बालबालिकाको सहभागिता रहेको थियो । कार्यक्रमको संचालन नरेश गुप्ताले गर्नु भएको थियो ।
