बाराको सिम्रौनगढ नगरपालिकाले आ ब ०७७/०७८ मा कम्प्युटर एण्ड आईटी सप्लायर्सको नाममा खरिद गरिएको सामान नगरपालिकामा दाखिला नगरी रु १४ लाख भन्दा बढी रकम अनियमितता गरिएको छ।
सिम्रौनगढ नगरपालिकाको तत्कालीन प्रशासकीय अधिकृत हरिओम जैसवालले कम्प्युटर लगायत आईटिको सामान खरिद गरि नगरपालिकामा समान दाखिला नै गरेको छैन । यसैगरी सामान खरिद गर्दा नगरपालिकाले कोटेसन लिंदा सल्गब गर्नुपर्ने आधारभुत कागजात सलग्न नरहेको महालेखापरिक्षकको प्रतिबेदनले औलाएको छ ।
आर्थिक कार्यबिधी तथा बितिय उतरदायित्व निमावली २०७७ को नियम ३९ (५) मा खर्च गर्दा खर्चको पुष्टियाई हुने प्रमाण र बिल भरपाई सल्गन गर्नुपर्ने प्रावधान रहेको छ । तर सिम्रौनगढ नगरपालिकाले रित नपुर्याईइ रु १३ करोड भन्दा बढीको सामान खरिद गरिएको महालेखाको प्रतिवेदनअनुसार देखिएको छ ।
सिम्रौनगढ नगरपालिकाको प्रमुख प्रशासकीय अधिकृत हरिओम जैसवालको कार्यकालमा रु २७ करोड १४ लाख ११ हजार बेरुजु रकम देखिएको छ । जुन नगरपालिकाको बेरुजु वर्गीकरण र अधावधिक बेरुजु स्थिति महालेखापरिक्षकको प्रतिबेदनले औलाएको छ ।
