रूपेश यादव, रौतहट । फतुवा बिजयपुर नगरपालिकामा सार्वजनिक सुनुवाइ कार्यक्रम सम्पन्न भएको छ।
साे नगरपालिकाकाे वडा नम्बर ५ स्थित सन्तपुर दाेस्तियामा वडा कार्यालयकाे प्रांगणमा उक्त सुनुवाइ कार्यक्रम गरिएको हाे ।
नयाँ संसार मिडिया प्रा.ली फतुवा बिजयपुर नगरपालिका ५ राैतहटकाे आयाेजना तथा फुतुवा बिजयपुर नगरपालिका ५ नम्बर वडा कार्यालयकाे सहजिकरणमा कार्यक्रम आयाेजना गरिएको थियो ।
वडा अध्यक्ष शेख एजाज अहमदकाे अध्यक्षतामा भएको कार्यक्रममा बिशिस्ट अतिथिका रुपमा प्रमुख प्रशासकीय अतिकृत भरत प्रसाद यादवले रहनु भएको थियो ।
वडा नम्बर ५ भित्रका सेवाको विषयमा सवाल जवाफ भएको थियो । सार्वजनिक सुनुवाइमा उपस्थित नागरिक, राजनीतिक दलका प्रमुख तथा प्रतिनिधिले वडा भित्रका बजेट तथा सेवा प्रवाहका विषयमा प्रश्न गरेका थिए ।
सार्वजनिक सुनुवाइ कार्यक्रममा अधिकृत यादवले हरेक निकाय पारदर्शी हुनुपर्ने भन्दै याे वडाले सार्वजनिक सुनुवाइ गर्नु महत्त्वपूर्ण रहेको बताउनुभयो ।
यस्ता कार्यक्रम नगरपालिका भित्र पहिलोपटक भएकोले स्थानीयहरु खुशी भएका छन। वडा भित्रका समस्याहरुकाे बारेमा सवाल जवाफ गर्दै अबदेखि कमि कमजोरी भएको त्यासता काममा चाडै सुधार हुने वडा अध्यक्ष अहमदले बताए ।
हालमै आएका प्रमुख प्रशासकीय अधिकृत यादवका कारण नगरपालिकामा थप व्यवस्थित तथा सुधार हुदै गएकाे स्थानीयहरुले बताउनु भयो ।
कार्यक्रम सञ्चालन राेजगार संयाेजक सुधिर कुमार यादवले गर्नु भएको थियो ।
उक्त कार्यक्रम सुचना अधिकारी हंसराज यादव , स्वास्थ्य संयाेजक रमेश यादव , नागरिक , विभिन्न राजनीतिक दलका प्रतिनिधि, वडा कार्यालयका कर्मचारी तथा पत्रकारहरु सहभागीता रहेकाे नयाँ संसार मिडिया संचालक सरताज आलमले बताए ।
