वीरगन्ज । पर्सा जिल्लाको वीरगन्ज बसपार्कबाट पानी ट्यांकी जाने बाटोमा रहेको राज पार्टी प्यालेसमा जुवा तास खेलाई रहेको खुलासा भएको छ ।
होटेल संचालक रनबिर अधिकारी र उनको काका गोबिन्द्र अधिकारीले उच्च रकमको लोभमा कोठा भाडामा दिई केही ब्याक्तिलाई तास जुवा खेल्न दिइरहेको एक स्रोतबाट खबर बाहिरिएको हो ।
नेपालमा जुवा तास खेलाउन छुट्टै किसिमको दर्ता प्रक्रिया सरकारले खोलेको छ । जसमा प्रष्ट लेखिएको हुन्छ कि नेपालीलाई प्रवेश निषेध । तर दर्ता नै न रहेको त्यस होटेलले जुवा तास खेलाई रहदा जिल्ला प्रहरी कार्यालय पर्सा बेखबर रहेको प्रष्ट हुन्छ ।
त्यस होटेलमा यौन धन्दा, जुवा तास लगायतका बिषयमा विभिन्न संचार माध्यमबाट समाचार प्रकाशित भइरहदा पनि बसपार्क प्रहरी चौकी मौन रहेको देखिएको छ । प्रहरी सङ्ग सेटिङ्ग गरेर चलाइरहेको सहजै अनुमान गर्न सकिन्छ ।
राज पार्टी प्यालेसमा गलत गतिविधि भइरहेकै कारण कर्मचारीहरु टिक्न नसकेको त्यही काम गर्ने एक कर्मचारीले नाम उल्लेख नगराउने सर्तमा हाम्रा संवाददातालाई बताए । तीन महिना चार महिना सम्मको तलब पनि परेको समयमा न दिने गरेको सुनाए ।
एक बर्षको अवधिमा सयौ जना स्टाफ परिवर्तन भइसकेको त्यस होटेलले श्रम शोषण समेत गरिरहेको बताए । ८ देखि १० हजारको तलबमा काम गर्नु परेको स्टाफहरु बताउँछन् । त्यो पनि समयमा नदिएको गुनासो पोखे ।
