वीरगन्ज । पर्सा जिल्लाको वीरगंज स्थित बसपार्कबाट प्रभु होस्पिटल जाने बाटोमा रहेको राज पार्टी प्यालेसमा यौन धन्दा हुँदै आएकोले छिमेकीहरु लज्जित हुन पुगेको छ ।
यस बिषयमा विभिन्न सन्चार माध्यमबाट पटक पटक समाचार प्रकाशन भए पनि प्रहरी प्रशासन मौन रहेकोले त्यहाँ भइरहेको यौन धन्दाका कारण त्यो बाटो हिड्न महिलाहरुलाई अप्ठ्यारो भएको सुनाएको हो ।
बारा जिल्लाको कोल्हबी नगरपालिका वडा नम्बर ११ बेलवा बस्ने रनबिर अधिकारीले खोलेको सो होटेलमा प्रहरी प्रशासन सङ्ग सेटिङ भएको कारण यौन धन्दा खुल्ला रुपमा भइरहेको समाचार बाहिरिएको थियो ।
समाचारको भिडियो बाहिरिय पछि यस बिषयमा केही दिन टोल टोलमा त्यस होटेलको गुनासो भए पछि रनबिर अधिकारीले आफ्नो काका गोबिन्द्र अधिकारीलाई जिम्मा दिइएको खवर बाहिरिएको छ । बि. एण्ड बि. पछि राज पार्टी प्यालेस र त्यस पश्चात् उनको काकाले थारु खाजा घरको नामले संचालनमा ल्याएका छन तर यौन धन्दा अझै रोकिएको छैन ।
यसरी शहरको मुख्य चौकमै रहेको होटेलमा यौन धन्दा चलिरहदा जिल्ला प्रहरी कार्यालय पर्सा माथी विभिन्न प्रश्नहरु खडा भएको देखिन्छ । त्यहाँका छिमेकी महिला दिदीहरुले पटक पटक गुनासो गरेको सहितको भिडियो- समाचार प्रसारण भए पनि सम्बन्धित निकाय मौन रहेको र कुनै चासो नदेखाएको आरोप रहेको छ ।
