कोल्हबी । कोल्हबी नगरपालिका वडा नम्बर ५ को रामबन र बोधबनमा करिब ३ करोडको लगानीमा शुद्ध खाने पानी ट्यान्कीको निर्माण भई सेवा शुरु भएको छ । 
यु.के. एण्ड गोर्खा वेलफेयर ट्रस्टको आर्थिक तथा प्राविधिक सहयोग तथा कोल्हबी नगरपालिकाको सहकार्यमा निर्माण सम्पन्न भएको खाने पानीको सेवा शुरूवात नगर प्रमुख राम प्रसाद चौधरी र पुर्व नगर प्रमुख भरत भण्डारीले संयुक्त रुपमा रिबन काटेर उद्घाटन गर्नु भएको हो ।
असोजमा सम्झौता भइ चैतमा निर्माण सम्पन्न भएको सो योजनामा लगभग २१ लाख रुपैया नगरपालिकाले लगानी गरेको छ । सोही वडाको लागि विद्युत बिस्तार तथा मर्मतका लागि २८ लाखको योजना लगानी पालिकाकको रहेको बताइएको छ । साथै पालिकाले प्रधानमन्त्री स्वरोजगार मार्फत जनशक्ति पनि उपलब्ध गरएको हो ।
रामबनमा २० हजार लिटर र बोधबनमा ४० हजार लिटरको ट्याक्की निर्माण गरिएको हो । ट्यान्कीमा पानी भर्नको लागि अटोमेटिक मेसिन जडान गरिएको प्राविधिकले बताए । पानी भरिसकेपछी मेसिन आफै बन्द हुने पनि जनाए ।
रामबन गाउँमा ६५६ जनसंख्यामा २०४ घर धुरी मध्येमा तत्काल ११५ वटा धारा जडान गरिएको छ भने बोधबन गाउँमा १२५८ जनसंख्यामा २०४ घर धुरी मध्ये २०८ वडा धारा जडान गरिएको जनाइएको छ ।
ती दुई वटै खाने पानी ट्यान्कीको व्यवस्थापन तथा निर्माणका लागि उपभोक्ता समिति गरिएको छ । सो को व्यवस्थापनका लागि कर्मचरी, मर्मत सम्भारका लागि योजना बनाउन नगरपालिकाको सुझाव रहेको छ । कोष खडा गरि अपुग बजेटका लागि कार्य योजना बनाएर वडा मार्फत नगरमा पेस गर्न समेत मार्ग दर्शन पालिकाले दिएका छन् ।
उक्त उद्घाटन कार्यक्रममा नगरप्रमुख, पुर्व नगरप्रमुख, उपप्रमुख लक्ष्मी चौधरी, प्रमुख प्रशासकीय अधिकृत पितानाथ लुइँटेल, वडा नम्बर ५ का वडा अध्यक्ष नन्द किशोर चौधरी, ३ का वडाध्यक्ष किशुन दयाल चौधरी, गोर्खा वेलफेयर ट्रस्टका प्राविधिक इन्जिनियर दान बहादुर जिरेल, उपभोक्ता समितीहरु तथा कर्मचारी लगायतको उपस्थिति रहेको थियो ।
