कलैया । केहि दिन पहिला अर्थात् बितेको बिहिबार प्रमुख जिल्ला अधिकारी बसन्त अधिकारीले बाराको मटिअर्वा नाकामा छड्के चेकजाँच गरेका थिए।
उक्त छड्केको क्रममा प्रजिअ अधिकारीले खुल्ला तस्करीलाई नजरअन्दाज गरेको भन्दै दुई सुरक्षाकर्मीलाई निलम्बन गर्न आदेश दिएका थिए।
उक्त आदेशलाई धेरै जनाले प्रशँसा गरेका थिए।भने केहिले समाजिक सञ्जालमा प्रजिअ अधिकारीको बिषयमा नकरात्मक टिकाटिप्पणी समेत गरेका थिए। साथै प्रजिअ अधिकारीको नेतृत्वमा शुक्रबार बारा जिल्लाको तिनै सुरक्षा निकायको टोलि सहित सिमानाकाको अनुगमन शुरु गरेका थिए। अनुगमन कचोर्वाबाट शुरुवात भई सिम्रौनगढमा नै समाप्त भयो।
यसरी प्रजिअ अधिकारी र जिल्ला प्रहरी कार्यालय बाराको प्रहरी प्रमुख एवम् प्रहरी उपरीक्षक संतोष तामाङले सिमानाकाहरुमा खटिने प्रहरी युनिट तथा सशस्त्र प्रहरी युनिटहरुलाई तस्करी निरुत्साहित पार्न निर्देशन दिँदा दिँदै पनि बाराको सिमानाकाहरु तस्करी नरोकिएको एक घटनाले प्रमाणित भएको छ।
जिल्ला प्रहरी कार्यालय बाराले सोमबार जारी गरेको एक प्रेस विज्ञप्तिमा आईतबार राति अन्दाजी ११ बजे कलैया उपमहानगरपालिका वडा नम्बर १३ बलिरामपुर स्थित भारतबाट भन्सार छली गरी राखिएको एक सय ८५ बोरा केराउ पक्राउ गरेको छ। उक्त परिमाणको केराउ सिमानाकामा रहेको प्रहरी युनिटले पक्राउ नगरी जिल्ला प्रहरी कार्यालय बाराको प्रहरी टोलिले पक्राउ गरेको छ।
उक्त केराउ भारतको आदापुरबाट मटिअर्वा नाका हुँदै नेपाल भित्र्याइएको बताइन्छ। यस कार्यमा प्रहरी चौकी मटिअर्वा र प्रस्तावित सशस्त्र प्रहरी गुल्म मटिअर्वाको मिलेमतोमा केराउ नेपाल ल्याइएको श्रोतको दाबी रहेको छ ।
यसले प्रमाणित नै भएको छ कि सिमानाकामा खटिने प्रहरी युनिट र सशस्त्र प्रहरी युनिटहरुको सहकार्यमा वा समन्वयमा नै तस्करी हुने गरेको छ।
साथै मटिअर्वा नाकाबाट हुने तस्करी कार्यबाट आर्थिक लाभ लिएको भन्दै प्रस्तावित सशस्त्र प्रहरी गुल्म मटिअर्वामा आएका सशस्त्र प्रहरी नायव उपरिक्षक योगराज दहालको यहि चैत्र ६ गते दुई महिना नबित्दै सशस्त्र प्रहरी मुख्यालयमा तानिएको सर्वविदितै छ।
